Дастовардҳо:

• Давраи пурраи (под ключ)-и дастраскунӣ ва ҷорисозии маҷмӯи тайёри барномавию техникӣ барои Феҳристи ягонаи давлатии уҳдадориҳои залогӣ дар заминаи таҷҳизоти Вазорати адлияи ҶТ: аз маҳаллисозии (локализатсияи) таъминоти барномавӣ то насби серверҳо ва дастгоҳҳои шабакавӣ.
• Мутобиқсозии система ба меъёрҳои Қонуни ҶТ «Дар бораи залоги молу мулки манқул» ва қарори Ҳукумати ҶТ №603, аз ҷумла коркарди талаботи тиҷоратӣ ва лоиҳаи эскизии интерфейс.
• Импорти оммавии ҳамаи залогҳои бақайдгирифташуда ва амалкунанда аз системаи маҳаллии пешина ба платформаи нав дар давраи гузариш, ки муттасилии баҳисобгириро таъмин намуда, хавфи гум шудани маълумотро ба ҳадди ақал расонид.
• Дастраскунӣ ва насби таҷҳизоти серверӣ ва шабакавӣ, инчунин ташкили дастрасии бефосила ба интернет дар воҳидҳои минтақавии Вазорати адлия барои соли аввали истифодабарӣ.
• Омӯзиши маҷмӯии се гурӯҳи корбарон (хизматчиёни давлатӣ, кормандони техникӣ, тренерони Вазорати адлия) бо супоридани ҳуҷҷатҳои пурраи техникӣ ва маводҳои методӣ.
• Супоридани иҷозатномаи бемуҳлат (лицензия) барои истифода ва тағйир додани рамзи ибтидоии (исходный код) система, ки мустақилияти дарозмуддат ва чандирии рушди қарорро барои фармоишгар кафолат медиҳад.
• Дастгирии техникӣ дар давоми 12 моҳ бо параметрҳои SLA: посухи аввал — то 4 соат, бартараф кардани хатогиҳои критикӣ — то 2 соат пас аз бақайдгирии ҳодиса.

Натиҷаҳо:

• Ҷорисозии платформаи ягонаи рақамӣ баҳисобгирии уҳдадориҳои залогиро пурра автоматӣ кунонида, шаффофият ва суръати кори феҳристро баланд бардошт.
• Коҳиш додани амалиёти дастӣ ба шарофати импорти оммавии маълумот ва интерфейси стандартии бақайдгирӣ.
• Тақвияти салоҳияти кормандони Вазорати адлия тавассути тренингҳои мақсаднок ва мавҷудияти дастурамалҳои муфассал.
• Кафолати эътимоднокии система дар соли аввали истифодабарӣ ба шарофати шартҳои эълоншудаи SLA ва имконияти васеъкунии фаврӣ.

Назорат ва моликияти пурра ба система: фармоишгар на танҳо маҳсулоти ниҳоӣ, балки ҳамаи ҳуқуқҳоро ба рамзи ибтидоӣ ва мушаххасоти техникӣ барои дастгирӣ ва рушди мустақилона дар оянда ба даст овард.